Fondo Europeo de Desenvolvemento Rexional
Unha maneira de facer Europa
Innovaugas 4.0, candidato oficial aos premios Water Europe Innovation 2022
Innovaugas 4.0
Xestión avanzada dos recursos hídricos galegos
Innovaugas 4.0 é un proxecto de compra pública de innovación (CPI) promovido por Augas de Galicia, entidade pública empresarial dependente da Consellería de Infraestruturas e Mobilidade da Xunta de Galicia. Persegue a xestión integrada avanzada das augas para optimizar os recursos hídricos e dar resposta a longo prazo ás demandas dos diferentes usos da auga, en equilibrio co medio natural e os ecosistemas fluviais, respectando o logro dos obxectivos ambientais establecidos para as masas de auga e atendendo aos novos escenarios determinados polo cambio climático.
O proxecto Innovaugas 4.0 conta cun orzamento elixible de 7 millóns de euros e está cofinanciado nun 80% polo Fondo Europeo de Desenvolvemento Rexional (FEDER) a través do Programa Operativo Plurirregional de España (POPE) 2014-2020.
Innovaugas 4.0 foi seleccionado polo Ministerio de Ciencia e Innovación no ano 2020 na Liña de Fomento da Innovación desde a Demanda e da Compra Pública Innovadora, conta cunha axuda de fondos europeos de 4.200.000 euros, será cofinanciado tamén pola Axencia Galega de Innovación (GAIN) con 700.000 euros e Augas de Galicia achegará 2.100.000 euros.
