Obxectivos

Innovaugas 4.0 é un proxecto para avanzar cara a unha xestión dos recursos hídricos en Galicia verdadeiramente integral, que aborde a protección e o equilibrio dos ecosistemas e os recursos naturais en paralelo ao benestar económico e social equitativo.

O modelo de xestión de auga ten para o territorio en que se desenvolve importantes implicacións a nivel ambiental, económico e social, especialmente no tocante aos efectos esperados do cambio climático sobre os patróns hidrometeorolóxicos. Por iso, os obxectivos xerais de Innovaugas 4.0 establecéronse en base a necesidades concretas detectadas en Galicia, e relacionadas co fin último do proxecto:

• Mellora e innovación da xestión de recursos hídricos e o medio ambiente
• Aumento da resiliencia ao cambio climático
• Incorporación do modelo de economía circular á xestión do ciclo integral da auga 

Os obxectivos específicos concretan o punto de vista desde o que este proxecto vai abordar os obxectivos xerais expostos, e permiten definir resultados particulares para cada un deles, que serán de axuda á hora de deseñar e dar seguimento ás actividades do proxecto. Estableceuse tamén un obxectivo transversal de validación das solucións deseñadas, no que se prevé a súa aplicación ao caso do Sistema de Explotación nº 1 da Demarcación Hidrográfica de Galicia-Costa. 

Innovaugas 4.0